साहित्यं हि तात्कालिकसमाजस्य दर्पण इति प्रसिद्धम्। तत्र निखिललोकव्यवहारदर्पणोपमे संस्कृतकाव्ये सकलशास्त्रवद् धर्मशास्त्रमपि प्रतिबिम्बते। महाकविशूद्रकप्रणीतं मृच्छकटिकं नाम प्रकरणं दृश्यकाव्यम्। तत्र भूयांसो धर्मशास्त्रीयविषयाः समुपलभ्यन्ते। तेषां सङ्कलनं धर्मशास्त्रदृष्ट्या समीक्षणं च जिज्ञासूनां महोपकाराय कल्पेत। इदानीन्तनः समाजो धर्मपथात् प्रविचलति। मृच्छकटिककालिक-समाजस्य धर्मशास्त्रसम्मता जीवनसरणिरिदानीन्तनं समाजं धर्ममयजीवनाय प्रेरयेदिति धिया ग्रन्थोऽयमुपनिबद्धः ।
प्रस्तुतोऽयं ग्रन्थः सप्तस्वध्यायेषु विभक्तः। अत्र शूद्रकस्य मृच्छकटिकस्य च परिचयः, मृच्छकटिके धर्मः, वर्णाश्रमधर्मपुरुषार्थसदाचाराः, संस्कारपञ्चमहायज्ञदानशुद्धयः, राजधर्मः, स्त्रिया धर्मो धनं च, प्रकीर्णविविधविषयाश्च धर्मशास्त्रीयस्वरूपप्रदर्शनपुरस्सरं समीक्षितानि ।
एवमयं ग्रन्थो मृच्छकटिके लभ्यमानानि धर्मशास्त्रीयतत्त्वानि काव्यशास्त्रीयवैशिष्ट्येन सह प्रकाशयति ।
Your cart is currently empty.
